என்னைக் கவர்ந்த சரித்திர நாயகர்கள்

மூன்று வாரங்களாக வேலை வேலை மேலும் வேலை. ஒரு நாளைக்கு 15 மணி நேரத்துக்கு மேலாக ஆஃபிஸிலேயே முகாமிட்டிருக்கி்றேன். சனி ஞாயிறன்றும் வேலை. தூக்கத்தில் கூட கோட் தான் கண் முன்னே வருகிறது. தூக்கத்திலும் டெக்னிகல் டிஸ்கஷன் நடத்துகிறேனாம், காயத்ரி சொல்கிறாள். இந்தியா நியூசிலாந்து கி்ரிக்கெட் மாட்ச் கூட ஒழுங்காகப் பார்க்க முடியவில்லை.  நண்பர்களின் பதிவுகளைப் படிக்க முடிவதில்லை. எடுத்த புத்தகத்தை படிக்க முடியவில்லை. 

அதனால் நண்பர் மேவீ “என்னைக் கவர்ந்த  சரித்திர நாயகர்கள” பற்றி என்னை எழுதக் கேட்டுக் கொண்டதை சீக்கிரமே எழுத முடியவி்ல்லை. தாமதத்துக்கு மன்னிக்கவும் விசு. 

எனக்கு பள்ளிக்கூட நாட்களில் சரித்திரம் மிகவும் பிடித்த பாடம். வகுப்பில் எந்த பாடத்தில் முதல் மதிப்பெண் எடுக்கிறேனோ இல்லையோ, சரித்திரத்தில் முதல் மார்க். ஹிஸ்டரி வாத்தியாராப் போல என்று அப்பா பிரோக்ரஸ் ரிபோர்டில் கையெழுத்துப் போடும் போது திட்டுவார்.

சில நாட்களுக்கு முன் சரித்திரம் பழகு என்றொரு பதிவு கூட எழுதி வைத்திருந்தேன். ஆனால், இது எவ்வளவு பேருக்கு பிடிக்குமோ, பிடிக்காதோ என்றதால் அதை பப்ளிஷ் செய்ய வில்லை. சரி, என்னைக் கவந்த சரித்திர நாயகர்கள் பற்றிச் சொல்கிறேன். என்னைப் பொறுத்த வரை சரித்திரத்தை மூன்று விதமாகப் பிரிக்கலாம். ஆதிகால சரித்திரம். பெயர் தெரியாத ஆதி மனிதன் வாழ்ந்த காலம், அரசர்கள் ஆண்ட இடைக் கால சரித்திரம். ஆங்கிலேயர் இந்தியாவுக்கு வந்து நம்மை அடிமைப் படுத்தி பிறகு சுதந்திரம் கண்டு நேற்று வரை அரங்கேறியுள்ள நிகழ்ச்சிகள் யாவையும் தற்கால சரித்திரம் என்று சொல்லலாம்.

ஒவ்வொரு கால கட்டத்திலும் ஒவ்வொருவர் என்னை மிகவும் கவர்ந்தி்ருக்கிறார்கள். என்னைக் கவர்ந்த முதல் சரித்திர நாயகனுக்குப் பெயர் கிடையாது, அடையாளம் தெரியாது, என்ன மொழி பேசினானோ, என்ன வேலை செய்தானோ, அதுவும் அறியேன். ஆனால் உலகில் அறங்கேறியிருக்கும் பற்பல கண்டுபிடிப்புகளுக்கு விதை விதைத்தவன். அவன் தான் சக்கரத்தைக் கண்டு பிடித்த ஆதி மனிதன். சுழலும் சக்கரம் தான் என்னைப் பொறுத்தவரை விஞ்ஞானத்தின் உன்னதமான கண்டு பிடிப்பு. அதைக் கண்டுபிடித்தவன் தான் என்னைக் கவர்ந்த முதல் சரித்திர நாயகன். 

என்னைக் கவர்ந்த மற்றொரு சரித்திர நாயகர் சுபாஷ் சந்திரபோஸ். இந்தியாவிற்கு இவரால் தான் சுதந்திரம் கிடைத்தது என்று இன்றளவும் நான் நம்புகிறேன்.   சும்மா சத்தியாகிரஹம் அது இது என்று காந்தி பூச்சாண்டி காட்டிக் கொண்டிருந்த போது கருமமே கண்ணாக காரியத்தில் இறங்கிய செயல் வீரர் சுபாஷ் சந்திர போஸ். சுதந்திரத்திற்குப் பிறகு காங்கிரஸ் கட்சி அமைத்ததால், இவரு்க்கு சரித்திரத்தில் உரிய இடம் கிடைக்கவில்லை என்று நினைக்கி்றேன்.

என்னைக் கவர்ந்த இன்னொரு சரித்திர  நாயகரும் இருக்கிறார். இந்தியாவிலிருந்து பன்னாட்டு நிறுவனங்களை ஜனதா அரசு விரட்டியடித்த சமையத்தில் ஒரு வெற்றிடம் உருவாயிருந்த நேரத்தில், இது தான் நேரம் என்று தான் நிர்வகித்து வந்த எண்ணெய் தயாரிக்கும் நிறுவனத்தைப் பின்னுக்குத் தள்ளி விட்டு, இந்தியாவிலேயே கணினி மற்றும் மென் பொருள் தயாரிக்கும்  நிறுவனமாக மாற்றிய விப்ரோ அதிபர், திரு.அசிம் பிரேம்ஜி. பல கோடீஸ்வரர்களை உருவாக்கியதற்காக இன்ஃபோஸிஸ் நாரயண மூர்த்தி பெயர் வாங்கியிருக்கலாம். ஆனால் இன்று உலகத்திலுள்ள அனைத்து நிறுவனங்களும் இந்தியாவில் ஒரு மென்பொருள் வடிவமைக்கும் மையம் அமைக்கிறார்கள் என்றால் அதற்கு விதை வி்தைத்தவர் திரு. அசிம் பிரேம்ஜி. விப்ரோவில் கி்ட்டத்தட்ட 5 ஆண்டுகள் வேலை பார்த்த போது, நாணயத்துக்கு அவர் கொடுத்த முக்கியத்துவம் ஆச்சர்யப் படுத்தியது. நாணயமற்றவர்களை உடனே நீக்குவதில் எள்ளளவும் யோசிக்க மாட்டார். இது என்னை மிகவும் கவர்ந்த விஷயமாகும். 

அப்பாடா, கொடுத்த வேலையை முடிச்சாச்சு. நான் யாரையு்ம் கோர்த்து விடப் போறதில்லை. இதைப் படிச்சுட்டு, உங்களையும் கவர்ந்த சரித்திர நாயகர்கள் பற்றி தாராளமா எழுதலாம். 

இப்போதைக்கு ஜகா வாங்கிக்கறேன். வர்டா!!!